Qonaqpərvərlik üzrə təcrübəçi
Ümumi məlumat
“Addımla” Abşeron Otellər Qrupunun sosial layihəsidir. Layihənin əsas məqsədi aşağı sosial statuslu ailələrdən olan gənclərə otelçilik sahəsində bilik və bacarıqlar qazandırmaq, onları gələcəkdə işlə təmin etməkdir. Proqram 17–24 yaş arası gənclər üçün nəzərdə tutulub və otel sahəsinin üç əsas şöbəsində – Ön Büro (Front Office), Qida və İçki (Food and Beverage), Təsərrüfat (Housekeeping) bölmələrində təcrübə imkanı təqdim edir.
Layihənin müddəti 3 aydır:
- İlk ay iştirakçılar etika, psixologiya, ingilis dili, kompüter bilikləri və ümumi qonaqpərvərlik üzrə nəzəri və praktiki təlimlər keçir.
- Sonrakı 2 ay isə Abşeron Otellər Qrupunun müxtəlif otellərində uyğun şöbələrdə təcrübə ilə davam edir.
Proqram müddətində iştirakçılara gündə bir dəfə qidalanma, coffee break, bölgələrdən gələn iştirakçılar üçün isə oteldə qalmaq və gündə üç dəfə qidalanma təmin olunur.
Bu, artıq layihənin 6-cı mərhələsidir və indiyə qədər bir çox gənc “Addımla” proqramını uğurla bitirərək əmək bazarına inteqrasiya edib.
Öhdəliklər
Təlim mərhələsi (1 ay):
- Keçirilən təlimlərdə mütəmadi iştirak etmək.
- Tapşırıqları vaxtında yerinə yetirmək və qrup işlərində aktiv olmaq.
- Davamiyyət və intizam qaydalarına riayət etmək.
Praktiki təcrübə mərhələsi (2 ay):
Ön Büro (Front Office)
- Qonaqların qarşılanması və istiqamətləndirilməsində iştirak.
- Telefon zənglərinə cavab vermək və ilkin məlumat vermək.
- Rezervasiya və qeydiyyat proseslərinə dəstək olmaq.
Qida və İçki (Food & Beverage)
- Restoranda masa düzülüşü və servis qaydalarına əməl etmək.
- Qonaqlara xidmət prosesində ofisiant və ya barmenə dəstək olmaq.
- İaşə sahəsində gigiyena və təhlükəsizlik normalarına riayət etmək.
Təsərrüfat (Housekeeping)
- Otaqların gündəlik təmizliyi və səliqəsinin qorunmasına yardım etmək.
- Qonaq otaqlarında ehtiyacların (su, dəsmal və s.) təmin olunmasına nəzarət etmək.
- Sanitar və təhlükəsizlik qaydalarına əməl etmək.
Tələblər
- 17–24 yaş arası olmaq;
- Layihədə tam 3 ay ərzində fasiləsiz iştirak etmək imkanı;
- Təlimlərdə və təcrübə prosesində davamiyyət və intizam qaydalarına əməl etmək;
- Qonaqpərvərlik sahəsinə maraq göstərmək;
- Təlim və təcrübə saatları: 09:00 – 18:00
Əlavə məlumat üçün:
+994 77 475 77 75
Ödənişli
Maaş
© 2025, Tecrube.az komandası tərəfindən hazırlanıb